எங்களைப் பற்றி

30,000-கும் மேற்பட்ட ஆசிரியர் / பேராசிரியர்களுக்கும், 75,000-கும் மேற்பட்ட உயர் பள்ளி மாணவர்களுக்கும் மொழி வளர்ச்சி மற்றும் தன்-முன்னேற்ற, ஊக்குவிப்புப் பயிற்சிகளைக் கட்டணம் ஏதுமின்றிப் பயிற்றுவித்தவர். மேலும், 100-க்கும் மேற்பட்ட பொறியியல், மேலாண்மைக் கல்லூரிகளில், 20,000-க்கும் மேற்பட்ட கல்லூரி மாணவர்களுக்குத் தொழில் முனைவோர் (Entrepreneurship), நிதி, வங்கி மேலாண்மை, மனிதவள மேலாண்மைப் பயிற்சிகளை நடத்தியவர்.

பள்ளி மாணவர்களின் தமிழ் மொழி வளர்ச்சிக்காக, எங்கள் நிறுவனத்தின் தமிழ் அறிஞர்கள், பள்ளி ஆசிரியர்கள், தமிழ்ப் பேராசிரியர்களின் வழிகாட்டுதல்களோடு எழுதப்பட்ட இலக்கிய-இலக்கணங்களை உள்ளடக்கிய பயிற்சிப் புத்தகங்களின் தொகுதியே ‘தமிழ்த்தேனீ ’ ஆகும்.

பள்ளி மாணவர்கள் தமிழைப் பிழையறக் கற்கவும், எழுதவும், பேசவும், புதுச் சொற்களை அறியவும், பயிற்சி நூல் ஒன்று இருப்பின், பள்ளித் தமிழாசிரியர்களின் பெரும் உழைப்பிற்குச் சிறு துணையாகத் தோள் கொடுக்கும் என்ற எண்ணத்தில் முகிழ்த்ததே இத்தமிழ்த்தேனீ.

வகுப்பு ஒன்று முதல் ஒன்பது வரை, ஒன்பது புத்தகங்கள் வெளிவந்துள்ளன. தமிழாசிரியர்கள், பேராசிரியர்களின் வழிகாட்டுதற் குழுவின் சீரிய முயற்சியால் உருவானத் தமிழ்த்தேனீ மொழிப்பயிற்சியினை மேற்கொள்வதால், பின்னாளில் தமிழ்ப் பொதுத்தேர்வில் உயர் மதிப்பெண் பெறுதல் எளிதாகும்; போட்டித் தேர்வுகள், நுழைவுத் தேர்வுகள், அரசுப் பணித்தேர்வுகள் எழுதத் துணை நிற்கும்.

மாணவர்கள் பிழையறப் பேசவும், எழுதவும் ஊக்குவிப்பது எமது நோக்கம் ஆகும். ஆசிரியப்பெருமக்களும், பெற்றோர்களும், தமிழறிஞர்களும் தங்கள் மேலான கருத்துகளை, தமிழ்த்தேனீயின் மின்னஞ்சலுக்கு அனுப்பி வைக்குமாறு, தாழ்மையுடன் வேண்டுகிறோம்.