மனதில் தோன்றும் ஐயங்கள்

பன்னாட்டு மொழி & திறன் வளர் கழகம் (Global Academy Of Languages and Skills), தமிழ்த்தேனீ என்ற பெயரில், வகுப்பு 1 முதல் 9 வரை பயிலும் மாணவர்களுக்கு, இலக்கண – இலக்கியத் தலைப்புகளில் ஒன்பது பயிற்சி நூல்களை தமிழ் ஆசிரியர், அறிஞர்களின் மேற்பார்வையில் உருவாக்கியுள்ளது. இது பேரா. அமிர்த மனோகரன் அவர்கள் தலைமையேற்று நடத்தும் மொழிப் பயிற்சி நிறுவனம் ஆகும். இந்த அகதெமி, தனியார் நிறுவனத்திற்கு சொந்தமானது .

தமிழ்த்தேனீ செயல்படும் முறையினை ஒரு விளக்கக் கையேட்டுப் புத்தகத்தில் (Principal’s Brochure) பயிற்சி எடுத்துக்காட்டுகளுடன் ஒவ்வொரு பள்ளி முதல்வருக்கும் எமது தமிழ்த்தேனீ அனுப்பி வைக்கும். அக்கையேட்டினில், தமிழ்த்தேனீயின் முழு விளக்கங்களோடு, பயிற்சிகளின் எடுத்துக்காட்டுத் தலைப்புகள், பயிற்சி வினா-விடைகள் இணைந்திருக்கும். அவ்விளக்கக் கையேட்டினைப் பெறுவதற்கு, பள்ளி மின்னஞ்சல் (School Email) வழியாகத் தமிழ்த்தேனீ மின்னஞ்சலுக்குத் தொடர்பு கொள்ளவும். ( tamilthenee@gmail.com, contact@tamilthenee.com )

விளக்கக் கையேட்டுடன் (Student Pamphlets) இணைந்துள்ள விண்ணப்பத்தை நிறைவு செய்து, குறிப்பிட்டிருக்கும் கட்டணத்தை மாணவர் வழியாக பள்ளி ஆசிரியரிடம் சேர்ப்பிக்க வேண்டும்.

பள்ளியில் இருந்து தமிழ்த்தேனீ அலுவலகத்திற்குப் புத்தகங்களுக்கான ஆணை வந்தவுடன், அனைத்துப் புத்தகங்களையும் பள்ளிக்கு உடனடியாக அனுப்பி வைக்கப்படும். மாணவர்கள் பள்ளி ஆசிரியரிடம் இருந்து புத்தகத்தைப் பெற்றுக் கொள்ளலாம்.

தமிழ்த்தேனீப் புத்தகங்கள் அனைத்திலும், பயிற்சிக் கேள்விகளுக்கு, அவ்வப்பகுதிகளிலேயே விடைகள் அளிக்கப்பட்டுள்ளன. மீதமுள்ள வினாக்களுக்கு, புத்தகத்தின் இறுதிப் பகுதிகளில் முழுமையாக விடைகள் தரப்பட்டுள்ளன.
மாணவர்கள் அறியாத வினாக்களுக்கு, முதலில் விடைப்பகுதியினை கூர்ந்து, கவனித்து, படித்து, அறிந்து கொண்ட பிறகு வினாப்பயிற்சிகளை மேற்கொள்ளலாம்.
வகுப்பு 1 முதல் 3 வரை பயிலும் சிறு வயது மாணவர்கள், தங்கள் பெற்றோர் மற்றும் மூத்தோர் உதவியுடன் வீட்டில் பயிற்சி செய்து கொள்ளலாம்.
வகுப்பு 4 முதல் 9 வரையுள்ள மாணவர்கள் தாங்களாகவே, தமிழ்த்தேனீப் புத்தகங்களை, படித்துப் பயன் பெறலாம்.

மாணவர்கள் குறைந்தது இரண்டு மாத காலம் தேர்விற்கு ஆயத்தம் செய்ய எடுத்துக் கொள்ளலாம். பள்ளியே தேர்வு நாளை முடிவெடுத்து அறிவிக்கும்.

தேர்வு முடிந்து, தமிழ்த்தேனீ சென்னை அலுவலகம், விடைத்தாள்களைப் பெற்றுக்கொண்டு, திருத்தம் செய்து முடிக்க மூன்று வாரங்கள் வரை ஆகலாம்.
தேர்வு முடிவுகளோடு, சான்றிதழ்களும், அறிவிக்கப்பட்டிருக்கும் பதக்கங்களும் பள்ளிக்கு அனுப்பி வைக்கப்படும்.

தமிழ்த்தேனீ முதல்நிலைத் தேர்வில் கலந்துகொண்ட அனைத்து மாணவர்களும், இரண்டாம் நிலை, மாநிலத் தேர்விலும் கலந்து கொண்டு பயன்பெறலாம்.

வகுப்பு 1 முதல் 9 வரை பயிலும் அனைத்து மாணவர்களுக்கும் ஒரே விதமான கட்டணமே உரியதாகும். பயிற்சி தேர்வுகளுக்கான கட்டணத் தொகையினை பள்ளி வழியாக அறிவிக்கப்படும்.

முதல் நிலை தேர்வின் முடிவுகளோடு சான்றிதழ்கள் வழங்கப்பட்ட பிறகு, மாநில சிறப்புப் பயிற்சியில் உங்கள் பள்ளியின் வழியாகவே பெயர் கொடுத்து, கட்டணம் செலுத்தி, எல்லா மாணவர்களுமே சேர்ந்து, புதிய, சிறப்பு மாநிலப் புத்தகம் பெற்றுப் பயிலத் தொடங்கலாம்.

➦ பிழையின்றி தமிழில் எழுதப் பழகலாம்.
➦ புதுச் சொற்களை தெரிந்துக் கொள்ளலாம்.
➦ வினா விடைகள் வழி, சிந்தனையை வளர்த்து கொள்ளலாம்.
➦ பிழையின்றி எழுதுவதால் தேர்வில் உயர் மதிப்பெண் பெறலாம்.
➦ அனைத்து பாடங்களில் மதிப்பெண் கூட்டுத்தொகை உயரும்.
➦ மாணவர்க்கு தன்னம்பிக்கை வளரும்.
➦ மாணவர்கள் சொற்களின் உச்சரிப்பில் கவனம் செலுத்துவார்கள்.
➦ மாணவர்கள் வீட்டில் செலவிடும் நேரம் பயனுள்ளதாய் இருக்கும்.
➦ பள்ளியின் உயர் வகுப்புகள் வரும்போது, பிழையற்ற தமிழை எழுதி தேர்வுகளில் உயர் மதிப்பெண் பெறுவர்.
➦ அரசு பணிகள், செய்தி தாள்கள், தொலைக்காட்சிகள், ஊடகங்கள், மொழிபெயர்ப்புப் பணிகள், திரைத்துறைப் பணிகள் (திரை/தொலைக்காட்சி வசனங்கள், தமிழ் திரை பாடலாசிரியர், தமிழ் பாடகிகள், குரலொலிப் பதிவுகள்), ஆசிரியர் / பேராசிரியர், பணிகளுக்குத் தமிழ் மொழித்திறன் மிகவும் அவசியம்.